علم بڑی دولت ہے
تو بھی اسکول کھول
علم پڑھا
فیس لگا
دولت کما
فیس ہی فیس
پڑھائی کے بیس
بس کے تیس
یونیفارم کے چالیس
کھیلوں کے الگ
ورائٹی پروگرام کے الگ
پکنک کے الگ
لوگوں کے چیخنے پر نہ جا
دولت کما
ان سے اور اسکول کھول
ان سے اور دولت کما
کمائے جا کمائے جا
ابھی تو تو جوان ہے
یہ سلسلہ جاری ہے
جب تک گنگا جمنا ہے
(۲ )
پڑھائی بڑی اچھی چیز ہے
پڑھ
بہی کھاتا پڑھ
ٹیلی فون ڈائریکٹری پڑھ
بنک اسٹیٹمنٹ پڑھ
ٹنڈر نوٹس پڑھ
ضرورت رشتہ کے اشتہار پڑھ
اور کچھ مت پڑھ
میر اور غالب مت پڑھ
اقبال اور فیض مت پڑھ
ابن انشا کو بھی مت پڑھ
ورنہ تیرا بیڑا پار نہ ہوگا
اور ہم میں سے کوئی
نتائج کا ذمہ دار نہ ہو گا
ابن انشاء
کوئی تبصرے نہیں:
ایک تبصرہ شائع کریں